O Concello de Ribadeo, a través do proxecto Ribadeo Cara ao Mar, convida ás veciñas, veciños e visitantes a mergullarse na historia marítima e fortificada da vila coas visitas teatralizadas ao Forte de San Damián. Trátase dunha experiencia inmersiva que combina divulgación e interpretación histórica, permitindo descubrir o patrimonio local dun xeito diferente e participativo.

A través dunha representación en vivo, o público poderá coñecer os episodios máis destacados do pasado do Forte, as lendas que o rodean e diversas curiosidades da man de guías-actores que reviven séculos de historia entre as súas murallas.